وہ چالیس راتوں سے سویا نہ تھا

وہ چالیس راتوں سے سویا نہ تھا

وہ خوابوں کو اونٹوں پہ لادے ہوئے

رات کے ریگزاروں میں چلتا رہا

چاندنی کی چتاؤں میں جلتا رہا

میز پر

کانچ کے اک پیالے میں رکھے ہوئے

دانت ہنستے رہے

کالی عینک کے شیشوں کے پیچھے سے پھر

موتیے کی کلی سر اٹھانے لگی

آنکھ میں تیرگی مسکرانے لگی

روح کا ہاتھ

چھلنی ہوا سوئی کی نوک سے

خواہشوں کے دیے

جسم میں بجھ گئے

سبز پانی کی سیال پرچھائیاں

لمحہ لمحہ بند میں اترنے لگیں

گھر کی چھت میں جڑے

دس ستاروں کے سایوں تلے

عکس دھندلا گئے

عکس مرجھا گئے

wo chalis raton se soya na tha

wo khwabon ko unton pe lade hue

rat ke regzaron mein chalta raha

chandni ki chitaon mein jalta raha

mez par

kanch ke ik pyale mein rakhe hue

dant hanste rahe

kali ainak ke shishon ke pichhe se phir

mutiye ki kali sar uthane lagi

ankh mein tirgi muskurane lagi

ruh ka hath

chhalni hua soi ki nok se

khwahishon ke diye

jism mein bujh gae

sabz pani ki sayyal parchhaiyan

lamha lamha band mein utarne lagen

ghar ki chhat mein jure

das sitaron ke sayon tale

aks dhundla gae

aks murjha gae