میں آندھیوں کی سیاہ یلغار سے بچا بھی

میں آندھیوں کی سیاہ یلغار سے بچا بھی

تو اپنی منزل نہ پا سکوں گا

کہ راستے میں نے اپنے

بدل دئے ہیں

تمام بے لوث حوصلے بھی کچل دئے ہیں

سفر مرا اب شروع ہوا ہے

شروع رہے گا

ہجوم ملنے تو دو کہیں پر

قدم نہ ہوں گے مرے زمیں پر

بڑھو بڑھو کی صدائے ماضی

بدن کے ساتوں طبق میں ہوگی

تو کیا کروں گا

کہ میرے اندر خدا نہیں ہے

جو روک لے گا

سفر مرا اب شروع رہے گا

main andhiyon ki siyah yalghar se bacha bhi

tu apni manzil na pa sakunga

ke raste main ne apne

badal diye hain

tamam be los hausle bhi kuchal diye hain

safar mira ab shuru hua hai

shuru rahega

hujum milne to do kahin par

qadam na honge mire zamin par

barho barho ki sada-e-mazi

badan ke saton tabaq mein hogi

to kya karunga

ke mere andar khuda nahin hai

jo rok lega

safar mira ab shuru rahega