میں کل رات

میں کل رات

اس شہر کی اس سڑک پر گیا

جہاں لوگ

اپنی صداؤں سے ڈر کر

سماعت کو نیلام کر رہے تھے

ہر اک شخص

بس بولنا چاہتا تھا

ہر اک شخص

مٹھی میں جملے چھپائے کھڑا تھا

وہاں لڑکیاں

لال پیلی ہری تتلیوں کی طرح

تیرتی پھر رہی تھیں

مگر اپنے جسموں کے سارے خطرناک حصوں سے خود ڈر رہی تھیں

وہاں کانچ کے چھوٹے چھوٹے گھروندے بنے تھے

وہاں سوکھے سہمے درختوں کے سائے گھنے تھے

main kal rat

is shahr ki is sarak par gaya

jahan log

apni sadaon se dar kar

samaat ko nilam kar rahe the

har ik shakhs

bas bolna chahta tha

har ik shakhs

mutthi mein jumle chhupae khara tha

wahan larkiyan

lal pili hari titliyon ki tarah

tairti phir rahi thin

magar apne jismon ke sare khatarnak hisson se khud dar rahi thin

wahan kanch ke chhote chhote gharaunde bane the

wahan sukhe sahme darakhton ke sae ghane the