Arooz is now on the App Store, for iPhone and iPad. Download →

All poetry

اس سے ملتا ہوں

Zafar Zaidi (1950–1983)

اس سے ملتا ہوں

تو یوں محسوس ہوتا ہے

کہ آنکھیں سنگ ارزاں

جسم سونے کا مگر قیمت سے عاری

جان پھولوں کی مگر خوشبو سے ناواقف

صدا آہنگ سے خالی

کہ جیسے کوئی بچہ بھیڑ میں کھو جائے

اور رونے لگے

اسی باعث

میں اس سے جب بھی ملتا ہوں

تو اپنی آنکھیں

اپنا جسم

اپنی جان

گھر پر چھوڑ آتا ہوں

کہ شام آئے تو

گھر جانے کے قابل رہ سکوں

اور کم سے کم اپنی کہانی

خود سے جا کر کہہ سکوں