مجھے کیا خبر تھی

مجھے کیا خبر تھی

کہ تم میری انگلی پکڑ کر چلو گی

شب کی تاریک سرحد سے

باہر نکلتے ہی

دن کے اجالے میں

پہلا قدم رکھتے ہی

مسکرا کر کہو گی

دیکھیے شکریہ

اب یہاں سے میں

سورج کی کرنوں کے ہم راہ

خود ہی چلی جاؤں گی

اور میں

مڑ کے دیکھوں گا ان راستوں کو

جو یوں شب زدہ ہو چکے ہوں

کہ اپنا پتہ کھو چکے ہوں

mujhe kya khabar thi

ke tum meri ungli pakar kar chalogi

shab ki tarik sarhad se

bahar nikalte hi

din ke ujale mein

pahla qadam rakhte hi

muskura kar kahogi

dekhiye shukriya

ab yahan se main

suraj ki kirnon ke ham rah

khud hi chali jaungi

aur main

mur ke dekhunga in raston ko

jo yun shab zada ho chuke hun

ke apna pata kho chuke hun