یہ زمیں یہ حسیں سرزمیں

یہ زمیں یہ حسیں سرزمیں

جنگلوں پربتوں سبزہ زاروں نشیلی ہواؤں کی آماجگاہ

اس سے رشتہ مرا

جسم و جاں کی طرح

خواہشوں آرزوؤں امنگوں کے سیل رواں کی طرح

اس کی مٹی کی سوندھی مہک

اس کی برسات کا ہر نم جاوداں

اس کی یخ بستہ راتوں کی شادابیاں

اس کی جلتی ہوئی دوپہر کی لپک

گوشت اور پوست میں میرے پیوست ہے

فاختہ کے پروں کی طرح

یہ زمیں

میری فکروں کی دہلیز بھی

سوچ کا خوب صورت سا آئینہ بھی

میرے احساس و جذبہ کا گھر

میرے لفظ و نوا کے لیے مستقل سائباں

جس کے سائے تلے

آج میرا وجود

ارتقا کی نئی منزلوں کے تعین میں مصروف ہے

ye zamin ye hasin sarzamin

jangalon parbaton sabza zaron nashili hawaon ki amajgah

us se rishta mira

jism-o-jan ki tarah

khwahishon arzuon umangon ke sail-e-rawan ki tarah

us ki mitti ki sondhi mahak

us ki barsat ka har nam jawedan

us ki yakh basta raton ki shadabiyan

us ki jalti hui dopahar ki lapak

gosht aur post mein mere paiwast hai

fakhta ke paron ki tarah

ye zamin

meri fikron ki dahliz bhi

soch ka khub surat sa aina bhi

mere ehsas-o-jazba ka ghar

mere lafz-o-nawa ke liye mustaqil saiban

jis ke sae tale

aj mera wajud

irtiqa ki nai manzilon ke taayyun mein masruf hai