Arooz is now on the App Store, for iPhone and iPad. Download →

All poetry

تجھے لذتوں کی سحر ملے

Zaheer Ghazipuri (b. 1938)

تجھے لذتوں کی سحر ملے

تجھے آئنوں کا سفر ملے

کہ رفاقتوں کا بدن بدن

نئی خوشبوؤں سے مہک اٹھے

کہ صباحتوں کا خمیر تک

کبھی چاند چاند چمک اٹھے

ابھی گل فشاں ہے ادا ادا

ابھی نغمہ خواں ہے ادا ادا

ابھی پھول پھول ہے تازگی

ابھی رنگ رنگ ہے زندگی

کوئی گرد غم بھی نہ پڑ سکے

کہیں اس طرح تو چھپا رہے

مرا لفظ لفظ دعا دعا

مرے آنسوؤں سے دھلا ہوا

تجھے لذتوں کی سحر ملے

تجھے آئنوں کا سفر ملے