شعر کیا ہے حسن کی ہر ایک شے میں جستجو

شعر کیا ہے حسن کی ہر ایک شے میں جستجو

اک نگار حسن سے پردہ کے پیچھے گفتگو

اک امید صبح نورانی اندھیری رات میں

مہر تابندہ کا جلوہ سینۂ ذرات میں

آرزوئے بحر کا قطرہ کے دل میں ارتعاش

اک ہم آہنگی کی فطرت مظاہر میں تلاش

پردۂ ہر لفظ میں پوشیدہ معنی کا شعور

بے نیاز جام و ساغر ایک روحانی سرور

یہ لطافت مادے کا بار اٹھا سکتی نہیں

شعر کی عصمت ہوس کی تاب لا سکتی نہیں

sher kya hai husn ki har ek shai mein justuju

ik nigar-e-husn se parda ke pichhe guftugu

ik ummid-e-subh nurani andheri rat mein

mehr tabinda ka jalwa sina-e-zarrat mein

arzu-e-bahr ka qatra ke dil mein irtiash

ik ham ahangi ki fitrat mazahir mein talash

parda-e-har lafz mein poshida maani ka shuur

be niyaz-e-jam-o-saghar ek ruhani surur

ye latafat madde ka bar utha sakti nahin

sher ki ismat hawas ki tab la sakti nahin