اے خدا شمع محبت کو فروزاں کر دے
Zafar Ahmad Siddiqi (1955–2020)اے خدا شمع محبت کو فروزاں کر دے
داغ دل کو مرے صد رشک گلستاں کر دے
جن کی راحت کو ہے خاموشئ ساحل کی تلاش
ان کی ہمت کو پھر آوارۂ طوفاں کر دے
جن کا دل ڈھونڈھتا ہے گوشۂ خلوت کا سکوں
صورت نکہت گل ان کو پریشاں کر دے
دور افتادۂ منزل کو وہ ہمت مل جائے
جو ہر اک مرحلۂ شوق کو آساں کر دے
دل مردہ کو ہو وہ جذبۂ بے تاب عطا
مرض پستیٔ ملت کا جو درماں کر دے
رو میں یہ موجۂ باطل کی بہا جاتا ہے
فضل سے اپنے مسلماں کو مسلماں کر دے
ai khuda sham-e-mohabbat ko farozan kar de
dagh-e-dil ko mire sad rashk-e-gulistan kar de
jin ki rahat ko hai khamoshi-e-sahil ki talash
un ki himmat ko phir awara-e-tufan kar de
jin ka dil dhundhta hai gosha-e-khalwat ka sakun
surat-e-nikhat-e-gul un ko pareshan kar de
dur uftada-e-manzil ko wo himmat mil jae
jo har ik marhala-e-shauq ko asan kar de
dil-e-murda ko ho wo jazba-e-be tab ata
maraz-e-pasti-e-millat ka jo darman kar de
rau mein ye mauja-e-batil ki baha jata hai
fazl se apne musalman ko musalman kar de