گھنیرا لہجہ وہ حسن کا تھا

گھنیرا لہجہ وہ حسن کا تھا

کھلی زباں وہ جمال کی تھی

وجود میں فکر و فن تھا شامل

عدم میں شرکت خیال کی تھی

جدید بندش زباں کی سج دھج

اسے امر کر گئی ادب میں

وہ جستجو وہ تلاش اس کی

سمو کے لفظوں میں موج دریا

صدف صدف دھارے توڑتی تھی

خلا سے لا کر خیالی پیکر

زمیں سے سیارے توڑتی تھی

وہ شاعر ذات شش جہت تھی

زمین اور آسماں سے گزری

علامتوں میں وہ جی رہی تھی

وہ استعاروں میں جاں سے گزری

ghanira lahja wo husn ka tha

khuli zaban wo jamal ki thi

wajud mein fikr-o-fan tha shamil

adam mein shirkat khayal ki thi

jadid bandish zaban ki saj dhaj

use amar kar gai adab mein

wo justuju wo talash us ki

samo ke lafzon mein mauj-e-dariya

sadaf sadaf dhare torti thi

khala se la kar khayali paikar

zamin se sayyare torti thi

wo shayar-e-zat shash jihat thi

zamin aur asman se guzri

alamaton mein wo ji rahi thi

wo istiaron mein jan se guzri