میں اپنی کھوج میں گم تھی

میں اپنی کھوج میں گم تھی

کہ میں کیا ہوں

ازل کے حادثے کا سلسلہ ہوں

یا فقط مٹی کی مورت ہوں

مسخر کرنے والا ذہن ہوں

احساس کی دھیمی سجل آواز ہوں

یا اپنے خالق کی

کوئی ایسی ادا ہوں

جو اسے خود بھا گئی ہے

تمہیں پایا تو یہ جانا

کہ میرا بھی کوئی مفہوم ہوگا

تمہیں کھو کر

مرے مفہوم کی صورت نکھر آئی

فشار بے یقینی نے

وفا کے بعد گنبد میں

ازل کے کرب کی صورت میں

اپنی ابتدا دیکھی

ابد کے آئنے میں

انتہا کا نقش بھی دیکھا

خدا کا عکس بھی دیکھا

main apni khoj mein gum thi

ke main kya hun

azal ke hadse ka silsila hun

ya faqat mitti ki murat hun

musakhkhar karne wala zehn hun

ehsas ki dhimi sajal awaz hun

ya apne khaliq ki

koi aisi ada hun

jo use khud bha gai hai

tumhen paya to ye jana

ke mera bhi koi mafhum hoga

tumhen kho kar

mire mafhum ki surat nikhar ai

fishar-e-be yaqini ne

wafa ke baad gumbad mein

azal ke karb ki surat mein

apni ibtida dekhi

abad ke aine mein

intiha ka naqsh bhi dekha

khuda ka aks bhi dekha