اندھیرے سے

اندھیرے سے

کشید صبح کی

روشن گواہی مانگنے سے

رات کے لمحے

نہ گھٹتے ہیں

نہ بڑھتے ہیں

کبھی گہرے بھنور کے بیچ اٹھتی

دوریوں کی دھند میں لپٹی

کسی کی ساحلی آواز

دریا کا کنارا بھی نہیں ہوتی

دکھوں کی اپنی اک تفسیر ہوتی ہے

جو اپنے لفظ خود ایجاد کرتی ہے

جو خوابوں سے الجھتی ہے

جو خوابوں سے زیادہ

معتبر ہوتی ہے

لیکن کشف کا لمحہ

مسافت کی ہزاروں منزلوں کے بعد آتا ہے

نمود گوہر کم یاب کی ساعت میں

خالی سیپیوں کا ڈھیر بے معنی نہیں ہوتا

andhere se

kashid subh ki

raushan gawahi mangne se

rat ke lamhe

na ghatte hain

na barhte hain

kabhi gahre bhanwar ke bich uthti

duriyon ki dhund mein lipti

kisi ki sahili awaz

dariya ka kinara bhi nahin hoti

dukhon ki apni ik tafsir hoti hai

jo apne lafz khud ijad karti hai

jo khwabon se ulajhti hai

jo khwabon se ziyada

motabar hoti hai

lekin kashf ka lamha

masafat ki hazaron manzilon ke baad ata hai

numud gauhar kam yab ki saat mein

khali sipiyon ka dher be maani nahin hota