وہ چلی گئی

وہ چلی گئی

وہ چٹاخ چڑیا چلی گئی

مرے آشیاں میں گذشتہ شب وہ رکی

مگر دم صبح پھر سے وہ اڑ گئی

اسے اڑتے رہنا پسند تھا سو چلی گئی

بڑی شوخ تھی بڑی تیز رو

بڑا چہچہاتی تھی مسکراتی تھی

اس کے پنکھوں میں کوئی دام وصال تھا

مجھے اس کا نام پتا نہیں

وہ کہاں سے آئی نہیں خبر

وہ یہیں کہیں پہ چھپی ہوئی تو نہیں یہیں

کسی اور آنکھ کو دام حسن میں باندھ کر

دل مبتلا کو اسیر وصل کیے ہوئے

وہ نہیں گئی وہ یہیں کہیں تو ضرور ہے

wo chali gai

wo chatakh chiriya chali gai

mire ashiyan mein guzishta shab wo ruki

magar dam-e-subh phir se wo ur gai

use urte rahna pasand tha so chali gai

bari shokh thi bari tez ro

bara chahchahati thi muskurati thi

us ke pankhon mein koi dam-e-wisal tha

mujhe us ka nam pata nahin

wo kahan se ai nahin khabar

wo yahin kahin pe chhupi hui to nahin yahin

kisi aur ankh ko dam-e-husn mein bandh kar

dil-e-mubtala ko asir-e-wasl kiye hue

wo nahin gai wo yahin kahin to zarur hai