بادشاہ ہاتھی کے پاؤں کے نیچے

بادشاہ ہاتھی کے پاؤں کے نیچے

اچانک نہیں آیا تھا

مگر درباریوں نے فیصلہ کیا

کہ کل جو شخص سب سے پہلے

شہر میں داخل ہوگا

بادشاہت اسے سونپ دی جائے گی

اگلے دن ہاتھی نے

چپکے سے ایک بونے کو

شہر کے صدر دروازے پر

اپنی پیٹھ سے اتارا

اور بظاہر غائب ہو گیا

بونا شہر میں داخل ہوا

تو اہل‌ دربار نے اسے ہاتھوں ہاتھ لیا

اور اپنے فیصلے سے آگاہ کیا

بونے نے حیرت سے سر اٹھا کر انہیں دیکھا

تو اس کی ٹوپی زمین پر گر گئی

یہ دیکھ کر مصاحبین بے ساختہ ہنس دئے

بونا کھسیانہ ہو گیا

مگر اہالی موالی فوراً ہی آداب بجا لائے

اور تخت پر بیٹھنے کی درخواست کی

بونے نے کہا

وہ صرف اس شرط پر حکمراں بنے گا

کہ سب لوگ اس کے ہم قدر ہو جائیں

مصلحت کی دلدل میں پھنسے

مفادات کی ڈور میں بندھے

ان عاقبت نا اندیشوں نے

بونے کی یہ بات مان لی

اس مرتبہ بونے نے فخر سے

سر اٹھا کر دیکھا

تو نہ اس کی ٹوپی نیچے گری

اور نہ ہی اہل‌ دربار ہنسے

badshah hathi ke paon ke niche

achanak nahin aya tha

magar darbariyon ne faisla kya

ke kal jo shakhs sab se pahle

shahr mein dakhil hoga

badshahat use saunp di jaegi

agle din hathi ne

chupke se ek bone ko

shahr ke sadr darwaze par

apni pith se utara

aur bazahir ghaib ho gaya

bona shahr mein dakhil hua

tu ahl-e-darbar ne use hathon hath liya

aur apne faisle se agah kya

bone ne hairat se sar utha kar unhen dekha

to us ki topi zamin par gir gai

ye dekh kar musahibin be sakhta hans diye

bona khasyana ho gaya

magar ahali mawali fauran hi adab baja lae

aur takht par baithne ki darkhwast ki

bone ne kaha

wo sirf is shart par hukmaran banega

ke sab log us ke ham qadar ho jaen

maslahat ki daldal mein phanse

mafadat ki dor mein bandhe

un aqibat na andeshon ne

bone ki ye bat man li

is martaba bone ne fakhr se

sar utha kar dekha

tu na us ki topi niche giri

aur na hi ahl-e-darbar hanse