وطن کی دھرتی سے دور

وطن کی دھرتی سے دور

جب وطن کے مارے

برہنہ تن اور تہی شکم کی طلب کی شدت

سے ہو کے مجبور

جلتے صحرا کی وسعتوں میں

مقید نار ہو گئے ہیں

نہ طوق آہن

نہ بیڑیاں ہیں

نہ ہے سلاسل کا بوجھ تن پر

جھلستے صحرا کی وسعتوں میں

سروں پہ سورج کی چھتریاں ہیں

بدن سے آب مشقت بے سکوں کی

نہریں رواں دواں ہیں

watan ki dharti se dur

jab watan ke mare

barahna tan aur tahi shikam ki talab ki shiddat

se ho ke majbur

jalte sahra ki wusaton mein

muqayyad nar ho gae hain

na tauq ahan

na beriyan hain

na hai salasil ka bojh tan par

jhulaste sahra ki wusaton mein

saron pe suraj ki chhatriyan hain

badan se ab mashaqqat be sukun ki

nahren rawan dawan hain