نیند پلکوں کے سائباں میں نہیں

نیند پلکوں کے سائباں میں نہیں

طائر خواب کر گیا پرواز

وادیٔ چشم کے افق سے پرے

آنکھ محو تصورات حسین

ایک ہلچل سی ذہن و دل میں مچی

اور نظر اک مقام ٹکتی نہیں

خوشبوؤں کے حصار گردش میں

ہے سماعت کچھ اس قدر حساس

آنکھ کی پتلیوں کے تھامے ہاتھ

دوڑتی ہے ادھر سے اس جانب

ایک لمحہ اسے قرار نہیں

ایک منظر پہ اعتبار نہیں

nind palkon ke saiban mein nahin

tair-e-khwab kar gaya parwaz

wadi-e-chashm ke ufuq se pare

ankh mahw-e-tasawwurat hasin

ek halchal si zehn-o-dil mein machi

aur nazar ik maqam tikti nahin

khushbuon ke hisar-e-gardish mein

hai samaat kuchh is qadar hassas

ankh ki putliyon ke thame hath

daurti hai idhar se us janib

ek lamha use qarar nahin

ek manzar pe etibar nahin