ہر دن میں وعدہ کرتا ہوں

ہر دن میں وعدہ کرتا ہوں

شام سے پہلے گھر آؤں گا

ہر دن کوئی نہ کوئی مشکل

کوئی نہ کوئی کام ضروری ہے

پتھر بن کر

میرے کانچ کے وعدے سارے

چشم زدن میں کر دیتا ہے ریزہ ریزہ

وعدہ کرتے وقت ہمیشہ میں یہ سوچوں

اس کی محبت سارے کاموں سے افضل ہے

وہ کہ مری غم خوار ہر اک لمحہ ہر پل ہے

کام مگر جب سامنے آئیں

فرض کی اہمیت سمجھائیں

فرض نبھانے کی خاطر میں

روز وفا کو بھینٹ چڑھا دوں

har din mein waada karta hun

sham se pahle ghar aunga

har din koi na koi mushkil

koi na koi kam zaruri hai

patthar ban kar

mere kanch ke waade sare

chashm-e-zadan mein kar deta hai reza reza

waada karte waqt hamesha mein ye sochun

us ki mohabbat sare kamon se afzal hai

wo ke miri gham khwar har ik lamha har pal hai

kam magar jab samne aen

farz ki ahmiyat samjhaen

farz nibhane ki khatir mein

roz-e-wafa ko bhent charha dun