صبح سورج کی کرن

صبح سورج کی کرن

کوچہ کوچہ تری امید میں بھٹکاتی ہے

شام ہوتے ہی اندھیروں میں بکھر جاتی ہے

ٹوٹتی آس کی مانند

ترے درد کی لو

رات بھر آنکھوں میں رہ رہ کے ابھر آتی ہے

صبح سے پہلے دھلی آنکھوں میں

بجھ کے رہ جاتی ہے

گرم سانسوں کی طرح

تجھ سے ملنے کی خلش

آج بھی میری رگ و پے میں سلگتی ہے مگر

جانے کیوں کل سے یہ رہ رہ کے خیال آتا ہے

زندگی

خود فریبی کے سوا کچھ بھی نہیں

subh suraj ki kiran

kucha kucha tiri ummid mein bhatkati hai

sham hote hi andheron mein bikhar jati hai

tutti as ki manind

tire dard ki lau

rat bhar ankhon mein rah rah ke ubhar ati hai

subh se pahle dhuli ankhon mein

bujh ke rah jati hai

garm sanson ki tarah

tujh se milne ki khalish

aj bhi meri rag-o-pe mein sulagti hai magar

jane kyun kal se ye rah rah ke khayal ata hai

zindagi

khud farebi ke siwa kuchh bhi nahin