نوحے لکھتے لکھتے یہ دل تھک جاتا ہے

نوحے لکھتے لکھتے یہ دل تھک جاتا ہے

بکھرے ہوئے ہیں سب دل والے

ہم متوالے تنہا ہیں

روشنیوں کے بیٹے تاریکی میں آ کر چمکیں

ہم راہوں میں تیار ملیں گے

جو یلغار یہاں بھی ہوگی

ہم اپنے خوں کے فواروں کو عام کریں گے

ایک چراغاں کوچۂ رسوائی میں

اک بالائے بام کریں گے

ان روزوں میں یہ دل تھک کر سو بھی چکے تو

ہم خوش ہوں گے

بادل کے تکیے پہ بہت آرام کریں گے

nauhe likhte likhte ye dil thak jata hai

bikhre hue hain sab dil wale

ham matwale tanha hain

raushniyon ke bete tariki mein a kar chamken

ham rahon mein tayyar milenge

jo yalghar yahan bhi hogi

ham apne khun ke fawaron ko am karenge

ek charaghan kucha-e-ruswai mein

ik bala-e-bam karenge

in rozon mein ye dil thak kar so bhi chuke to

ham khush honge

badal ke takiye pe bahut aram karenge