یہاں اب ایک تارہ

یہاں اب ایک تارہ

زرد تارہ بھی نہیں باقی

یہاں اب آسماں کے

چیتھڑوں کی پھڑپھڑاہٹ بھی نہیں باقی

یہاں پر سارے سورج

تارے سورج

تیرتے افلاک سے گر کر

کسی پاتال میں گم ہیں

یہاں اب سارے سیاروں کی گردش

رک گئی ہے

یہاں اب روشنی ہے

اور نہ آوازوں کی لرزش ہے

نہ جسموں میں ہی حرکت ہے

یہاں پر اب فقط

اک خامشی کی پھڑپھڑاہٹ ہے

yahan ab ek tara

zard tara bhi nahin baqi

yahan ab asman ke

chithron ki pharpharahat bhi nahin baqi

yahan par sare suraj

tare suraj

tairte aflak se gir kar

kisi patal mein gum hain

yahan ab sare sayyaron ki gardish

ruk gai hai

yahan ab raushni hai

aur na awazon ki larzish hai

na jismon mein hi harkat hai

yahan par ab faqat

ik khamushi ki pharpharahat hai