چھٹی بار جب میں نے دروازہ کھولا

چھٹی بار جب میں نے دروازہ کھولا

تو اک چیخ میرے بدن کے مساموں سے چمٹی

بدن کے اندھیروں میں اتری

مرا جسم اس چیخ کے تند پنجوں سے جھلسی ہوئی

بے کراں چیخ تھا

میں لرزتا ہوا کہنہ گنبد سے نکلا

اور چیخ میرے بدن سے سیاہ گھاس کی طرح نکلی

بدن کے کروڑوں مساموں کے منہ پر

سیاہ چیخ کا سرخ جنگل اگا تھا

کوئی چیخ اب بھی ابھرتی تھی جس سے

گنبد کے دیوار و در کانپتے تھے

کوئی شے دکھائی نہیں دے رہی تھی

فقط اک دھواں تھا

جو گنبد کے سوراخ سے اپنے پاؤں نکالے

ہواؤں کے بے داغ سینوں سے چمٹا ہوا تھا

ساتویں بار پھر میں نے دروازہ کھولا

تو میرے لہو کی ہر اک بوند میں

ساتویں بار پھر سرسراتی ہوئی چیخ گزری

میں نے دیکھا کہ گنبد میں میلی زمیں پر

نزع کی حالت میں اک لاش ہے

جس نے اب ساتویں بار میرے بدن میں

ساتویں چیخ کا گرم لاوا اتارا

یہ زوال کی آخری سرد چیخوں کی اک چیخ تھی

chhutti bar jab main ne darwaza khola

to ik chikh mere badan ke masamon se chimti

badan ke andheron mein utri

mira jism is chikh ke tund panjon se jhulsi hui

be karan chikh tha

main larazta hua kohna gumbad se nikla

aur chikh mere badan se siyah ghas ki tarah nikli

badan ke karoron masamon ke munh par

siyah chikh ka surkh jangal uga tha

koi chikh ab bhi ubharti thi jis se

gumbad ke diwar-o-dar kanpte the

koi shai dikhai nahin de rahi thi

faqat ik dhuan tha

jo gumbad ke surakh se apne paon nikale

hawaon ke be dagh sinon se chimta hua tha

satwin bar phir main ne darwaza khola

tu mere lahu ki har ik bund mein

satwin bar phir sirasrati hui chikh guzri

main ne dekha ke gumbad mein maili zamin par

nazaa ki halat mein ik lash hai

jis ne ab satwin bar mere badan mein

satwin chikh ka garm lawa utara

ye zawal ki akhiri sard chikhon ki ik chikh thi