نیلے سایوں کی رات تھی وہ

نیلے سایوں کی رات تھی وہ

وہ ساحل شب پہ سو گئی تھی

وہ نیلے سائے

ہوا کے چہرے پہ اور بدن پہ

اور اس کی آنکھوں میں سو رہے تھے

اور اس کے ہونٹوں پہ

سرخ خوشبو کی دھوپ

اس شب چمک رہی تھی

وہ ساحل شب وہ نیلے پانی

وہ آسمانوں سے سرخ پتوں کی تیز بارش

وہ تیز بارش بدن پہ اس کے

گلاب موسم کے ان دنوں میں

وہ ساحل شب پہ سو گئی تھی

وہ سرخ خوشبو کی تیز دھوپوں میں

کھو گئی تھی

nile sayon ki rat thi wo

wo sahil shab pe so gai thi

wo nile sae

hawa ke chehre pe aur badan pe

aur us ki ankhon mein so rahe the

aur us ke honton pe

surkh khushbu ki dhup

is shab chamak rahi thi

wo sahil shab wo nile pani

wo asmanon se surkh patton ki tez barish

wo tez barish badan pe us ke

gulab mausam ke in dinon mein

wo sahil shab pe so gai thi

wo surkh khushbu ki tez dhupon mein

kho gai thi