اداسیوں کی رت بھی کیا عجیب ہے

اداسیوں کی رت بھی کیا عجیب ہے

کوئی نہ میرے پاس ہے

تم تو میرے پاس ہو

مگر کہاں

ہوا کی خوشبوؤں میں

سبز روشنی کی دھول میں

دل میں بجتی تالیوں کے پاس

اداسیوں کے زرد بال جل اٹھے تھے اس گھڑی

تمہاری سرد یاد کے سفید پھول کھل اٹھے تھے جس گھڑی

نظر میں اک سفید برف گر رہی تھی دور تک

سرخ بیلیں کھل اٹھی تھیں یاد کی چھتوں کے پاس

اداسیوں کی رت بھی کیا عجیب ہے

یاد کی چھتوں پہ سرخ پھول ہیں

دور دور سبز روشنی کی دھول ہے

اور برف گر رہی ہے خامشی کے سرد جنگلوں کے پاس

udasiyon ki rut bhi kya ajib hai

koi na mere pas hai

tum to mere pas ho

magar kahan

hawa ki khushbuon mein

sabz raushni ki dhul mein

dil mein bajti taliyon ke pas

udasiyon ke zard bal jal uthe the us ghari

tumhari sard yad ke safed phul khul uthe the jis ghari

nazar mein ik safed barf gir rahi thi dur tak

surkh belen khul uthi thin yad ki chhaton ke pas

udasiyon ki rut bhi kya ajib hai

yad ki chhaton pe surkh phul hain

dur dur sabz raushni ki dhul hai

aur barf gir rahi hai khamushi ke sard jangalon ke pas