میں نے آشاؤں کی آنکھیں

میں نے آشاؤں کی آنکھیں

چہرے ہونٹ اور نیلے بازو

نوچ لیے ہیں

ان کے گرم لہو سے میں نے

اپنے ہاتھ بھگو ڈالے ہیں

دوپہروں کی تپتی دھوپ میں

خواہشیں اپنے جسم اٹھا کر

چوبی کھڑکی کے شیشوں سے

اکثر جھانکتی رہتی ہیں

آنکھیں ہونٹ اور زخمی بازو

جانے کیا کچھ مجھ سے کہتے رہتے ہیں

جانے کیا کچھ ان سے کہتا رہتا ہوں

رات گئے تک زخمی خواہشیں

بستر کی اک اک سلوٹ سے

نکل نکل کر روتی ہیں

اور سحر کو ان کے خون سے

اپنے ہاتھ بھگو لیتا ہوں

main ne ashaon ki ankhen

chehre hont aur nile bazu

noch liye hain

un ke garm lahu se main ne

apne hath bhigo dale hain

dopaharon ki tapti dhup mein

khwahishen apne jism utha kar

chobi khirki ke shishon se

aksar jhankti rahti hain

ankhen hont aur zakhmi bazu

jane kya kuchh mujh se kahte rahte hain

jane kya kuchh un se kahta rahta hun

rat gae tak zakhmi khwahishen

bistar ki ik ik salut se

nikal nikal kar roti hain

aur sahar ko un ke khun se

apne hath bhigo leta hun