جس روز دھوپ نکلی

جس روز دھوپ نکلی

اور لوگ اپنے اپنے

ٹھنڈے گھروں سے باہر

ہاتھوں میں ڈالے

سورج کی سمت نکلے

اس روز تم کہاں تھے

جس روز دھوپ نکلی

اور پھول بھی کھلے تھے

تھے سبز باغ روشن

اشجار خوش ہوئے تھے

پتوں کی سبز خوشبو

جب سب گھروں میں آئی

اس روز تم کہاں تھے

جس روز آسماں پر

منظر چمک رہے تھے

سورج کی سیڑھیوں پر

اڑتے تھے ڈھیروں پنچھی

اور صاف گھاٹیوں پر

کچھ پھول بھی کھلے تھے

اس روز تم کہاں تھے

جس روز دھوپ چمکی

اور فاختہ تمہارے

گھر کی چھتوں پہ بولی

پھر مندروں میں آئیں

خوشبو بھری ہوائیں

اور ننھے منے بچے

تب آنگنوں میں کھیلے

اس روز تم کہاں تھے

جس روز دھوپ نکلی

جس روز دھوپ نکلی

اور الگنی پہ ڈالے

کچھ سوکھنے کو کپڑے

جب اپنے گھر کی چھت پہ

خاموش میں کھڑا تھا

تنہا اداس بیلیں

اور دوپہر کے پنچھی

کچھ مجھ سے پوچھتے تھے

اس روز تم کہاں تھے

jis roz dhup nikli

aur log apne apne

thande gharon se bahar

hathon mein dale

suraj ki samt nikle

us roz tum kahan the

jis roz dhup nikli

aur phul bhi khule the

the sabz-e-bagh raushan

ashjar khush hue the

patton ki sabz khushbu

jab sab gharon mein ai

us roz tum kahan the

jis roz asman par

manzar chamak rahe the

suraj ki sirhiyon par

urte the dheron panchhi

aur saf ghatiyon par

kuchh phul bhi khule the

us roz tum kahan the

jis roz dhup chamki

aur fakhta tumhare

ghar ki chhaton pe boli

phir mandiron mein aen

khushbu bhari hawaen

aur nanhe mane bachche

tab anganon mein khele

us roz tum kahan the

jis roz dhup nikli

jis roz dhup nikli

aur algani pe dale

kuchh sukhne ko kapre

jab apne ghar ki chhat pe

khamosh mein khara tha

tanha udas belen

aur dopahar ke panchhi

kuchh mujh se puchhte the

us roz tum kahan the