وہ ایک شب تھی سفید گلابوں والے تالاب کے بالکل نزدیک

وہ ایک شب تھی سفید گلابوں والے تالاب کے بالکل نزدیک

بادلوں کی پہلی آہٹ پر

اس نے رکھ دیے ہونٹ ہونٹوں پر

موسیقی کی تتلی گیت گانے لگی

اس کے سانسوں کے آس پاس

اس کی خوشبوؤں کے گھنگھرو

بج رہے تھے اس شب

ہوا کی سفید گلابی چھتوں پر

وہ امڈ رہی تھی

ایک تیز سمندری لہر کی طرح

وہ جسم پر نقش ہو رہی تھی

تتلیوں سے بھرے ہوئے ایک خواب کی طرح

وہ ایک شب سفید گلابوں والے تالاب کے بالکل نزدیک

شب بھر بادلوں کی ہلکی اور تیز آہٹیں

اور شب بھر

ہونٹ ہونٹوں پر

سانس سانسوں پر

اور جسم جسم کی سفید گلابی چھتوں پر

wo ek shab thi safed gulabon wale talab ke bilkul nazdik

badalon ki pahli ahat par

us ne rakh diye hont honton par

mausiqi ki titli git gane lagi

us ke sanson ke as pas

us ki khushbuon ke ghunghru

baj rahe the is shab

hawa ki safed gulabi chhaton par

wo umad rahi thi

ek tez samundari lahr ki tarah

wo jism par naqsh ho rahi thi

titliyon se bhare hue ek khwab ki tarah

wo ek shab safed gulabon wale talab ke bilkul nazdik

shab bhar badalon ki halki aur tez ahaten

aur shab bhar

hont honton par

sans sanson par

aur jism jism ki safed gulabi chhaton par