ستارے

ستارے

کتنی شدت سے چمکتا ہے بدن تیرا

ابد کے ساحلوں پر

یا ازل کی جلوہ گاہوں میں

کہیں نرسل کے جنگل میں

کسی محمل کی راہوں میں

کسی چشمے کے پانی پر

کسی منظر کی شبنم میں

کسی ہجرت کے صحرا میں

کسی فرقت کے عالم میں

ستارے

اس سفر میں تو نے کیسے نقش دیکھے ہیں

کہ جن کی تاب سے

یوں جگمگا اٹھا بدن تیرا

ستارے

کتنی شدت سے چمکتا ہے بدن تیرا

sitare

kitni shiddat se chamakta hai badan tera

abad ke sahilon par

ya azal ki jalwa gahon mein

kahin narsal ke jangal mein

kisi mahmil ki rahon mein

kisi chashme ke pani par

kisi manzar ki shabnam mein

kisi hijrat ke sahra mein

kisi furqat ke alam mein

sitare

is safar mein tu ne kaise naqsh dekhe hain

ke jin ki tab se

yun jagmaga utha badan tera

sitare

kitni shiddat se chamakta hai badan tera