ستارے

ستارے

تو نے دیکھی ہے فضا سارے زمانوں کی

سنے ہیں تو نے

جو پہلی ہوا نے گیت گائے تھے

تجھے معلوم ہے

تالاب پر کب ہنس اترے تھے

یہاں جب نور تھا

اور نور کے شفاف سائے تھے

ترے سینے پہ روشن ہے حقیقت سب فسانوں کی

کہاں ہے کچھ بتا مجھ کو

وہ ملکہ داستانوں کی

کہاں ہے صوفیہ وہ روشنی ان آسمانوں کی

ستارے

تو نے دیکھی ہے فضا سارے زمانوں کی

sitare

tu ne dekhi hai faza sare zamanon ki

sune hain tu ne

jo pahli hawa ne git gae the

tujhe maalum hai

talab par kab hans utre the

yahan jab nur tha

aur nur ke shaffaf sae the

tire sine pe raushan hai haqiqat sab fasanon ki

kahan hai kuchh bata mujh ko

wo malaka dastanon ki

kahan hai sufiyya wo raushni in asmanon ki

sitare

tu ne dekhi hai faza sare zamanon ki