ستارے

ستارے

اب نمو کی آگ مدھم ہوتی جاتی ہے

ہوا میں نکہتوں کی تازگی کم ہوتی جاتی ہے

چمکتے باغیوں کی جھاگ مدھم ہوتی جاتی ہے

ستارے

خاک میں روئیدگی کم ہوتی جاتی ہے

مگر وہ پھول تو یکتا تھا

ان سارے گلابوں میں

اسی کا عکس تھا

میرے لہو میں میرے خوابوں میں

ستارے

روح میں اس کا نشاں

اب کیوں نہیں ملتا

ستارے

میرے پہلو میں وہ گل اب کیوں نہیں کھلتا

sitare

ab numu ki ag maddham hoti jati hai

hawa mein nikhaton ki tazgi kam hoti jati hai

chamakte baghiyon ki jhag maddham hoti jati hai

sitare

khak mein ruidagi kam hoti jati hai

magar wo phul to yakta tha

un sare gulabon mein

usi ka aks tha

mere lahu mein mere khwabon mein

sitare

ruh mein us ka nishan

ab kyun nahin milta

sitare

mere pahlu mein wo gul ab kyun nahin khulta