سڑک پر ریل تیزی سے چلی ہے

سڑک پر ریل تیزی سے چلی ہے

ہوا دیکھو تو پانی سے جلی ہے

کہا مرغے نے یہ گیدڑ سے رو کر

مری مرغی ابھی اٹھی ہے سو کر

ندی میں تیرتا خرگوش دیکھا

تو مچھلی نے پروں کو خوب سینکا

کبوتر سے ہوئی کچھوے کی شادی

تو بھالو نے ٹماٹر کو دعا دی

مچایا شور کچھ سانپوں نے ایسا

چلایا بکروں نے جو کھوٹا پیسہ

جلیبی تیرتی پانی پہ آتی

مزے لے لے کے وہ بھنڈی نے کھائی

گدھے سائیکل چلائے جا رہے تھے

مزے سے دودھ کھانا کھا رہے تھے

سر رہ پٹ گئی چیونٹی بچاری

گلہری بن گئی اب تو شکاری

تھپک کر میں نے میٹھے کو جگایا

اندھیرے میں نمک نے گنگنایا

فلک پر اڑ رہا تھا ایک ہاتھی

میاں گھوڑے چلے ہیں بن کے ساتھی

ازاں بکری نے دی ندی پہ جا کر

میاں مچھر نکل آئے نہا کر

ملی چوہے کے بل سے ایک بلی

شری گا گا بنے ہیں شیخ چلی

مزے سے گھاس بندر کھا رہا ہے

چبا کر پان کوا آ رہا ہے

گرا پانی کے نل سے ایک انڈا

تو خربوزہ اٹھا پھر لے کے ڈنڈا

صدا یہ غیب سے ایک بار آئی

زمین و آسماں میں ہے لڑائی

sarak par rel tezi se chali hai

hawa dekho to pani se jali hai

kaha marghe ne ye gidar se ro kar

miri murghi abhi uthi hai so kar

nadi mein tairta khargosh dekha

tu machhli ne paron ko khub senka

kabutar se hui kachhwe ki shadi

tu bhalo ne timatar ko dua di

machaya shor kuchh sanpon ne aisa

chillaya bakron ne jo khota paisa

jalebi tairti pani pe ati

maze le le ke wo bhandi ne khai

gadhe saikil chillae ja rahe the

maze se dudh khana kha rahe the

sar-e-rah pat gai chiyunti bichari

gilahri ban gai ab to shikari

thapak kar main ne mithe ko jagaya

andhere mein namak ne gungunaya

falak par ur raha tha ek hathi

miyan ghore chale hain ban ke sathi

azan bakri ne di naddi pe ja kar

miyan machchhar nikal ae naha kar

mili chuhe ke bal se ek billi

shiri ga ga bane hain shaikh chali

maze se ghas bandar kha raha hai

chaba kar pan kuwwa a raha hai

gira pani ke nal se ek anda

tu kharbuza utha phir le ke danda

sada ye ghaib se ek bar ai

zamin-o-asman mein hai larai