خوش نما ہے حیات پھولوں کی

خوش نما ہے حیات پھولوں کی

دیکھنا کائنات پھولوں کی

جوہی چمپا چنبیلی اور گلاب

نام بچوں کے ذات پھولوں کی

تتلیوں کی طرح سجل نازک

ان کی ہر بات بات پھولوں کی

یہ نہیں جانتے کہ غم کیا ہے

دن ہے پھولوں کا رات پھولوں کی

وہ جو پڑھتے ہیں اور لکھتے ہیں

اور کرتے ہیں بات پھولوں کی

لہلہاتا چمن ہجوم بہار

مسکراتی ہے ذات پھولوں کی

علم کی روشنی کے دیپ جلیں

مہکی مہکی ہے رات پھولوں کی

نذر مخدومؔ ہے غزل بچو

شخصیت تھی حیات پھولوں کی

پھول کی طرح مدرسوں میں وقارؔ

سج رہی ہے برات پھولوں کی

khush numa hai hayat phulon ki

dekhna kainat phulon ki

johi champa chambeli aur gulab

nam bachchon ke zat phulon ki

titliyon ki tarah sajal nazuk

un ki har bat bat phulon ki

ye nahin jante ke gham kya hai

din hai phulon ka rat phulon ki

wo jo parhte hain aur likhte hain

aur karte hain bat phulon ki

lahlahata chaman hujum-e-bahar

muskurati hai zat phulon ki

ilm ki raushni ke dip jalen

mahki mahki hai rat phulon ki

nazr makhdum hai ghazal bachcho

shakhsiyat thi hayat phulon ki

phul ki tarah madrason mein waqar

saj rahi hai barat phulon ki