خدا رام ہے اور خدا ایشور

خدا رام ہے اور خدا ایشور

وہ بھگوان ہے کل جہاں اس کا گھر

اسی کا کرم اور اسی کی دیا

یہ مکتب یہ تعلیم کا حوصلہ

کتابوں میں وہ کارخانوں میں وہ

زمیں ہی نہیں آسمانوں میں وہ

اسی کی نوازش کا اظہار ہیں

جو سر سبز و شاداب اشجار ہیں

اسی کی عنایت چمن رنگ و بو

محبت مسرت خوشی جستجو

برائی سے ہم کو بچائے وہی

اندھیرے میں رستہ دکھائے وہی

وہ رحمان ہے اور وہی ہے رحیم

گنہ گار کے حق میں رب کریم

khuda ram hai aur khuda ishwar

wo bhagwan hai kal jahan us ka ghar

usi ka karam aur usi ki diya

ye maktab ye taalim ka hausla

kitabon mein wo karkhanon mein wo

zamin hi nahin asmanon mein wo

usi ki nawazish ka izhar hain

jo sar sabz-o-shadab ashjar hain

usi ki inayat chaman rang-o-bu

mohabbat masarrat khushi justuju

burai se ham ko bachae wahi

andhere mein rasta dikhae wahi

wo rahman hai aur wahi hai rahim

gunah gar ke haq mein rab-e-karim