لہرا رہا ہے دیکھو آکاش پر ترنگا

لہرا رہا ہے دیکھو آکاش پر ترنگا

امن و اماں کا پیکر جھنڈا وہ رنگ برنگا

ہر ایک فن کی عظمت تہذیب بے مثالی

ہے اس سے آشکارہ کوئی نہیں سوالی

امن و اماں کی رنگت ویروں کے خوں کی لالی

اس میں جھلک رہی ہے مزدور کی بحالی

لہرا رہا ہے دیکھو آکاش پر ترنگا

امن و اماں کا پیکر جھنڈا وہ رنگ برنگا

اسکول جگمگایا ہر کھیت لہلہایا

کلیاں بھی مسکرائیں پھولوں نے گیت گایا

گنگا نے راگ چھیڑا جمنا نے گنگنایا

اونچا جو ہے ہمالہ وہ بھی تو سر جھکایا

لہرا رہا ہے دیکھو آکاش پر ترنگا

امن و اماں کا پیکر جھنڈا وہ رنگ برنگا

جنت نشان دھرتی سونا اگل رہی ہے

جنگل ہرے بھرے ہیں فطرت مچل رہی ہے

یہ دکھ کی ماری جنتا گر کر سنبھل رہی ہے

علم و عمل کی ناؤ تیزی سے چل رہی ہے

لہرا رہا ہے دیکھو آکاش پر ترنگا

امن و اماں کا پیکر جھنڈا وہ رنگ برنگا

lahra raha hai dekho akash par tiranga

amn-o-aman ka paikar jhanda wo rang baranga

har ek fan ki azmat tahzib-e-be misali

hai us se ashkara koi nahin sawali

amn-o-aman ki rangat wiyron ke khun ki lali

is mein jhalak rahi hai mazdur ki bahali

lahra raha hai dekho akash par tiranga

amn-o-aman ka paikar jhanda wo rang baranga

iskul jagmagaya har khet lahlahaya

kaliyan bhi muskuraen phulon ne git gaya

ganga ne rag chhera jamuna ne gungunaya

uncha jo hai himala wo bhi to sar jhukaya

lahra raha hai dekho akash par tiranga

amn-o-aman ka paikar jhanda wo rang baranga

jannat nishan dharti sona ugal rahi hai

jangal hare bhare hain fitrat machal rahi hai

ye dukh ki mari janta gir kar sambhal rahi hai

ilm-o-amal ki nao tezi se chal rahi hai

lahra raha hai dekho akash par tiranga

amn-o-aman ka paikar jhanda wo rang baranga