وہ میرے غصے کا ایک لمحہ

وہ میرے غصے کا ایک لمحہ

جو ٹل نہ پایا

تھا دل کے معبد میں اک خداوند

اسی کو سولی پہ مار ڈالا

کرن امیدوں کی راکھ کر دی

مسرتوں کی تمام کلیاں

خود اپنے پیروں سے روند ڈالیں

مگر یہ قطرے

لہو کے قطرے

درون سینہ ٹپک رہے ہیں

گواہ ہوں گی یہ زرد آنکھیں

کہ میرے دل میں عجب جہنم بھڑک رہا ہے

جو ہو رہا ہے ہوا کرے وہ

میں اک قیدی بنا رہوں گا

خود اپنا قیدی

wo mere ghusse ka ek lamha

jo tal na paya

tha dil ke maabad mein ik khudawand

usi ko suli pe mar dala

kiran ummidon ki rakh kar di

masarraton ki tamam kaliyan

khud apne pairon se raund dalen

magar ye qatre

lahu ke qatre

darun-e-sina tapak rahe hain

gawah hongi ye zard ankhen

ke mere dil mein ajab jahannam bharak raha hai

jo ho raha hai hawa kare wo

main ik qaidi bana rahunga

khud apna qaidi