تخلیق کے خمار میں چور

تخلیق کے خمار میں چور

ایک خوش گوار موڑ میں

اس نے جب

بے حساب لوگوں کے نصیب میں

خوشیاں لکھ ڈالی ہوں گی

بے شمار تب

اس نے رک کر

سوچا ہوگا

توازن کی خاطر

کچھ تو تبدیلی چاہیے

اور یوں اس موڑ میں

لکھ کر اگلا نصیب

اس نے جو پلٹا صفحہ

وہ میرا تھا

takhliq ke khumar mein chur

ek khush gawar mor mein

us ne jab

be hisab logon ke nasib mein

khushiyan likh dali hongi

be shumar tab

us ne ruk kar

socha hoga

tawazun ki khatir

kuchh to tabdili chahiye

aur yun is mor mein

likh kar agla nasib

us ne jo palta safha

wo mera tha