نفرت کا ترے دل میں اگر بال رہے گا

نفرت کا ترے دل میں اگر بال رہے گا

محروم محبت سے بہر حال رہے گا

سب خاک میں مل جائے گا پل بھر میں ستمگر

یہ تیرا تکبر نہ زر و مال رہے گا

الجھا ہوں میں دنیا میں فقط تیری بدولت

اے زندگی کب تک یہ ترا جال رہے گا

ماں باپ کی خدمت سے جو محروم رہا ہو

پھر کیسے زمانے میں وہ خوشحال رہے گا

بمبئی کو تو ممبئی میں بدل سکتے ہو لیکن

بھوپال تو ہر حال میں بھوپال رہے گا

یادوں کی کسک آج بھی جاتی نہیں دل سے

کب تک ترا اے دردؔ یہی حال رہے گا

nafrat ka tire dil mein agar bal rahega

mahrum mohabbat se bahar hal rahega

sab khak mein mil jaega pal bhar mein sitamgar

ye tera takabbur na zar-o-mal rahega

uljha hun main duniya mein faqat teri badaulat

ai zindagi kab tak ye tira jal rahega

man bap ki khidmat se jo mahrum raha ho

phir kaise zamane mein wo khushhal rahega

bambai ko to mambai mein badal sakte ho lekin

bhupal to har hal mein bhupal rahega

yadon ki kasak aj bhi jati nahin dil se

kab tak tira ai dard yahi hal rahega