خیالات و احساس

خیالات و احساس

جو بے ساختہ لکھ دیے ہیں

نہ جانے وہ کب سے دل و جاں کے اندر چھپے تھے

کسی راز جیسے

قلم بند ہونے کو بے چین تھے

کئی درد الجھے سوالات

جو صفحے پہ سجنے کو بیتاب تھے

وہ سب

قلم سے مرے موتیوں کی طرح

اب برسنے لگے ہیں

سبھی رقص کرنے لگے ہیں

مری چشم پر نم

جو سیلاب روکے ہوئے ہے

ستارے چمکتے ہیں میری پلک پر

انہیں میں رقم کر رہی ہوں

جو طوفان ہے موجزن میرے اندر

وہ ارمان وہ خواب

کئی لا شعوری مضامین بن کر

ورق در ورق جگمگانے لگے ہیں

سبھی رقص کرنے لگے ہیں

اور اب

اسی جذب و احساس کے زیر سایہ

کبھی نظم گاتی ہے وہ گیت

کہ جو بے خیالی میں تخلیق ہو کر

بناتی ہے رنگین پیکر

یہ بزم سخن کو سجانے پہ مائل

خیالات سب رقص کرنے لگے ہیں

قلم سے مرے موتیوں کی طرح

اب برسنے لگے ہیں

سبھی رقص کرنے لگے ہیں

khayalat-o-ehsas

jo be sakhta likh diye hain

na jane wo kab se dil-o-jan ke andar chhupe the

kisi raz jaise

qalam band hone ko be chain the

kai dard uljhe sawalat

jo safhe pe sajne ko betab the

wo sab

qalam se mire motiyon ki tarah

ab barasne lage hain

sabhi raqs karne lage hain

miri chashm pur nam

jo sailab roke hue hai

sitare chamakte hain meri palak par

unhen mein raqam kar rahi hun

jo tufan hai maujzan mere andar

wo arman wo khwab

kai la shuuri mazamin ban kar

waraq dar waraq jagmagane lage hain

sabhi raqs karne lage hain

aur ab

isi jazb-o-ehsas ke zer-e-saya

kabhi nazm gati hai wo git

ke jo be khayali mein takhliq ho kar

banati hai rangin paikar

ye bazm-e-sukhan ko sajane pe mail

khayalat sab raqs karne lage hain

qalam se mire motiyon ki tarah

ab barasne lage hain

sabhi raqs karne lage hain