اپنے اپنے ہی خول میں ہم تم

اپنے اپنے ہی خول میں ہم تم

کیسے خود کو چھپا کے بیٹھ گئے

ہم کو اپنی انا کا پاس رہا

اور سارے خیال بھول گئے

خواب جو ہم نے ساتھ دیکھے تھے

سارے وہ کیسے تار تار ہوئے

سارے وعدے وفا کے ٹوٹ گئے

اور ارمان سب ہی خاک ہوئے

دیکھنے میں تو میں شگفتہ ہوں

تم بھی شاداب سب کو لگتے ہو

اک حقیقت مگر میں جانتی ہوں

یہ بظاہر نظر جو آتا ہے

آئنہ وہ ہمارے دل کا نہیں

ہم تو اک دوسرے کی فرقت میں

زندہ رہنا محال کہتے تھے

عکس وہ بھی ہماری ذات کا تھا

عکس یہ بھی ہماری ذات کا ہے

ہے اداسی تو چاروں‌ سمت مگر

زیب تن کر کے خول خوشیوں کا

ہم کو اپنا بھرم بھی رکھنا ہے

چاہے غم کے پہاڑ جتنے گریں

بس انا کو بحال رکھنا ہے

apne apne hi khol mein ham tum

kaise khud ko chhupa ke baith gae

ham ko apni ana ka pas raha

aur sare khayal bhul gae

khwab jo ham ne sath dekhe the

sare wo kaise tar tar hue

sare waade wafa ke tut gae

aur arman sab hi khak hue

dekhne mein to main shagufta hun

tum bhi shadab sab ko lagte ho

ik haqiqat magar main janti hun

ye bazahir nazar jo ata hai

aina wo hamare dil ka nahin

ham to ik dusre ki furqat mein

zinda rahna muhal kahte the

aks wo bhi hamari zat ka tha

aks ye bhi hamari zat ka hai

hai udasi to charon samt magar

zeb tan kar ke khol khushiyon ka

ham ko apna bharam bhi rakhna hai

chahe gham ke pahar jitne giren

bas ana ko bahal rakhna hai