آ جاؤ محبت کے یہ موسم نہ ملیں گے

آ جاؤ محبت کے یہ موسم نہ ملیں گے

موسم جو پلٹ آئے تو پھر ہم نہ ملیں گے

اس طرح اگر خون سے کھیلی گئی ہولی

زخموں کے لیے پھر کہیں مرہم نہ ملیں گے

عاصی ہوں گنہ گار ہوں بخشش کا طلب گار

دفتر مرے عصیاں کے تجھے کم نہ ملیں گے

دنیا کی ہر اک شے وہاں مل جائے گی لیکن

جنت میں کبھی ہم کو مگر غم نہ ملیں گے

جس دور میں احساس کے سینے پہ لگیں زخم

اس دور میں اے دردؔ تجھے ہم نہ ملیں گے

a jao mohabbat ke ye mausam na milenge

mausam jo palat ae to phir ham na milenge

is tarah agar khun se kheli gai holi

zakhmon ke liye phir kahin marham na milenge

asi hun gunah gar hun bakhshish ka talab gar

daftar mire isyan ke tujhe kam na milenge

duniya ki har ik shai wahan mil jaegi lekin

jannat mein kabhi ham ko magar gham na milenge

jis daur mein ehsas ke sine pe lagen zakhm

is daur mein ai dard tujhe ham na milenge