مرے سونے کی

مرے سونے کی

اور بیدار ہونے کی

مرے جینے کی مرنے کی

مرے ہونے نہ ہونے کی

فقط یہ ہی نہیں

ان میں ہی

کل کے خواب اگتے ہیں

یہ وہ تصویر ہیں

جس میں گئے وقتوں کا

اک اک پل منقش ہے

یہ آنکھیں ہیں

زمانی اور مکانی

منظروں کی کتنی

رودادیں

زبان و دست

اوراق و قلم

جن کو بیاں

کر ہی نہیں سکتے

بسا لیتی ہیں

شیشوں میں

چھلکتے سے کٹوروں میں

جنہیں شاعر نے

دی تشبیہ

جھیلوں سے

کبھی مے کے پیالوں سے

کبھی نرگس کے پھولوں سے

ستاروں سے

کبھی مٹھی سے نکلے

جگمگاتے جگنوؤں سے

مگر ان کی تہوں کی

دلدلی جھیلوں میں

جو طوفاں چھپے ہیں

وہ ان دیکھے ہی رہتے ہیں

کھلی ہیں تو جہاں آباد ہے

بکھرا ہوا ہے

اگر ہیں بند تو

ہستی کی ساری داستاں

سمٹی ہوئی ہے

mire sone ki

aur bedar hone ki

mire jine ki marne ki

mire hone na hone ki

faqat ye hi nahin

un mein hi

kal ke khwab ugte hain

ye wo taswir hain

jis mein gae waqton ka

ik ik pal munaqqash hai

ye ankhen hain

zamani aur makani

manzaron ki kitni

rudaden

zaban-o-dast

auraq-o-qalam

jin ko bayan

kar hi nahin sakte

basa leti hain

shishon mein

chhalakte se katoron mein

jinhen shayar ne

di tashbih

jhilon se

kabhi mai ke pyalon se

kabhi nargis ke phulon se

sitaron se

kabhi mutthi se nikle

jagmagate jugnuon se

magar un ki tahon ki

daldali jhilon mein

jo tufan chhupe hain

wo an dekhe hi rahte hain

khuli hain to jahan abad hai

bikhra hua hai

agar hain band to

hasti ki sari dastan

simti hui hai