وہ حرف آخر کہاں گیا ہے

وہ حرف آخر کہاں گیا ہے

وہ حرف جس کی تہوں میں اپنی

محبتوں کی جو اک کہانی چھپی ہوئی تھی

وہ اک کہانی کہ جس کی رو سے ہی عمر بھر کا

قرار پاتے بہار پاتے

محبتوں میں سرور دل کا سراغ پاتے

وہ حرف آخر کہاں گیا ہے

وہ حرف جو اک شجر کی صورت

ہمارے گلشن نما مکاں میں

بہت اذیت بھری فضا میں

خزاں کے موسم کے دائروں سے

گزر کے فصل بہار لاتا

وہ حرف آخر کہاں گیا ہے

وہ حرف ہی تو ہمارے سر پر

جو ایک سایہ نما شجر تھا

کہ جس کے سائے میں رہ کے ہم سب

دکھوں کے سارے

عذاب کے دن

خوشی خوشی ہی گزار لیتے

وہ حرف آخر

بچھڑ کے ہم سے

کہاں گیا ہے

یہ سارا قصہ

بیان کر کے

جو آج ہم نے کسی سے پوچھا

وہ غور کر کے

علامتوں کو سمجھ کے سنجیدگی سے بولا

عظیمؔ وہ حرف مر چکا ہے

wo harf-e-akhir kahan gaya hai

wo harf jis ki tahon main apni

mohabbaton ki jo ik kahani chhupi hui thi

wo ik kahani ke jis ki ro se hi umr bhar ka

qarar pate bahar pate

mohabbaton mein surur dil ka suragh pate

wo harf-e-akhir kahan gaya hai

wo harf jo ik shajar ki surat

hamare gulshan numa makan mein

bahut aziyyat bhari faza mein

khizan ke mausam ke dairon se

guzar ke fasl-e-bahar lata

wo harf-e-akhir kahan gaya hai

wo harf hi to hamare sar par

jo ek saya numa shajar tha

ke jis ke sae mein rah ke ham sab

dukhon ke sare

azab ke din

khushi khushi hi guzar lete

wo harf-e-akhir

bichhar ke ham se

kahan gaya hai

ye sara qissa

bayan kar ke

jo aj ham ne kisi se puchha

wo ghaur kar ke

alamaton ko samajh ke sanjidagi se bola

azim wo harf mar chuka hai