بھول بھلیا گلیاں ساری

بھول بھلیا گلیاں ساری

دور تلک ہے گھنا اندھیرا

شفق دھندلکا دیپک سب ہی

سو گئے اوڑھ کے کالی چادر

آس کی گٹھری کو پلکوں نے

نینوں سے باہر پھینک دیا ہے

سوکھی جھیل میں کوئی بھی

عکس اترنا نا ممکن ہے

لاکھ جتن وہ کر لے لیکن

شام کے بھولے راہی کو

ہر دروازہ بند ملے گا

bhul bhalya galiyan sari

dur talak hai ghana andhera

shafaq dhundalka dipak sab hi

so gae orh ke kali chadar

as ki gathri ko palkon ne

nainon se bahar phenk diya hai

sukhi jhil mein koi bhi

aks utarna na mumkin hai

lakh jatan wo kar le lekin

sham ke bhule rahi ko

har darwaza band milega