وہ شاخ مضبوط ہو یا نازک

وہ شاخ مضبوط ہو یا نازک

یہ منحصر ہے کمال فن پر

کہ کیسے تنکوں کو جوڑنا ہے

مہین ریشوں کے تانے بانے

سے کیسے دیوار جوڑنی ہے

کہاں بنانا ہے در کہاں پر

جگہ دریچے کی چھوڑنی ہے

جہاں سے باد صبا تو آئے

درون خانہ چلے جو آندھی

گرانے پائے نہ آشیانہ

خلوص و انس و وفا کی روئی

یقین و ایثار کے عناصر

جو ہوں گے تعمیر میں یہ شامل

تو شاخ نازک پہ بننے والا بھی

آشیاں پائیدار ہوگا

wo shakh-e-mazbut ho ya nazuk

ye munhasir hai kamal-e-fan par

ke kaise tinkon ko jorna hai

mahyun rishon ke tane bane

se kaise diwar jorni hai

kahan banana hai dar kahan par

jagah dariche ki chhorni hai

jahan se bad-e-saba to ae

darun-e-khana chale jo andhi

girane pae na ashiyana

khulus-o-uns-o-wafa ki roi

yaqin-o-isar ke anasir

jo honge taamir mein ye shamil

tu shakh-e-nazuk pe banne wala bhi

ashiyan paidar hoga