ترے فراق میں جب دل نڈھال ہوتا ہے

ترے فراق میں جب دل نڈھال ہوتا ہے

سکوں کی سانس بھی لینا محال ہوتا ہے

بچھڑ کے کوئی کسی سے کبھی نہیں مرتا

مگر جدائی کا سب کو ملال ہوتا ہے

تمہاری یاد میں گرتے ہیں میرے دامن پر

ان آنسوؤں کو چھپانا محال ہوتا ہے

نظر ملا کے جھکاتا ہے جب نظر کوئی

نہ پوچھو دوستو کیا دل کا حال ہوتا ہے

نہ کر غرور بلندی کا اے حقیر انساں

ہر ایک عروج کو اکثر زوال ہوتا ہے

کبھی وہ دیکھ لیں اے کاش درد دل کی کتاب

ہر ایک لفظ میں تیکھا سوال ہوتا ہے

tire firaq mein jab dil nidhal hota hai

sukun ki sans bhi lena muhal hota hai

bichhar ke koi kisi se kabhi nahin marta

magar judai ka sab ko malal hota hai

tumhari yad mein girte hain mere daman par

un ansuon ko chhupana muhal hota hai

nazar mila ke jhukata hai jab nazar koi

na puchho dosto kya dil ka hal hota hai

na kar ghurur bulandi ka ai haqir insan

har ek uruj ko aksar zawal hota hai

kabhi wo dekh len ai kash dard-e-dil ki kitab

har ek lafz mein tikha sawal hota hai