اک کہارن جا رہی تھی ہاتھ میں گاگر لئے

اک کہارن جا رہی تھی ہاتھ میں گاگر لئے

زیر لب کچھ گنگناتی کچھ نظر نیچی کیے

مست تھی اس کی ادائیں خوب تھا اس کا شباب

آنکھیں نرگس زلف سنبل عارض رنگیں گلاب

آ کے پنگھٹ پر کسی سے گفتگو کرنے لگی

ڈال کر رسی کو پانی کھینچ کر بھرنے لگی

ناز سے گاگر کمر پر رکھ کے گھر کو جب چلی

اک صدا آئی کہاں جاتی ہے اے ننھی کلی

سن کے یہ آواز فوراً جوش اس کو آ گیا

عالم حسن و ادا اس قہر سے تھرا گیا

کچھ سیاہی چھا رہی تھی کچھ اجالا تھا ابھی

یہ سماں دیکھا نہ تھا میری نگاہوں نے کبھی

ik kaharan ja rahi thi hath mein gagar liye

zer-e-lab kuchh gungunati kuchh nazar nichi kiye

mast thi us ki adaen khub tha us ka shabab

ankhen nargis zulf-e-sumbul ariz-e-rangin gulab

a ke panghat par kisi se guftugu karne lagi

dal kar rassi ko pani khinch kar bharne lagi

naz se gagar kamar par rakh ke ghar ko jab chali

ik sada ai kahan jati hai ai nanhi kali

sun ke ye awaz fauran josh us ko a gaya

alam-e-husn-o-ada is qahr se tharra gaya

kuchh siyahi chha rahi thi kuchh ujala tha abhi

ye saman dekha na tha meri nigahon ne kabhi