لگی آگ دل کی بجھائیں گے کیوں کر

لگی آگ دل کی بجھائیں گے کیوں کر

طبیعت کو رستے پہ لائیں گے کیوں کر

جو بے درد ہیں رحم کھائیں گے کیوں کر

وہ بھولے سے گھر میرے آئیں گے کیوں کر

بلا سے کوئی عشق میں خار بھی ہو

غم و رنج پیہم سے ناچار بھی ہو

سلامت رہیں دل کے تڑپانے والے

تمنائیں میری نہ بر لانے والے

سوال محبت کو ٹھکرانے والے

نہ پاس آنے والے نہ کام آنے والے

انہیں کیا تعلق فغاں و بکا سے

فقط کام رہتا ہے قہر و جفا سے

lagi ag dil ki bujhaenge kyun kar

tabiat ko raste pe laenge kyun kar

jo be dard hain rahm khaenge kyun kar

wo bhule se ghar mere aenge kyun kar

bala se koi ishq mein khar bhi ho

gham-o-ranj-e-paiham se nachar bhi ho

salamat rahen dil ke tarapane wale

tamannaen meri na bar lane wale

sawal-e-mohabbat ko thukrane wale

na pas ane wale na kam ane wale

unhen kya taalluq fughan-o-buka se

faqat kam rahta hai qahr-o-jafa se