اک جا رہی ہے مالن پھولوں کا ہار لے کر

اک جا رہی ہے مالن پھولوں کا ہار لے کر

گلشن کا حسن لے کر دل کا قرار لے کر

جوش نمو کا عالم رخسار مہر تاباں

ماتھے پہ سرخ ٹیکا مانند صبح خنداں

کانوں کے زرد بندے رقصاں تھے اس ادا سے

پربت کی جیسے تتلی موج ہوا سے کھیلے

پیروں میں ڈالے چھاگل ہاتھوں میں پہنے جوشن

بکھری تھیں ایسی زلفیں بل کھائے جیسے ناگن

آنکھوں میں حسن مستی اک کیف خود نمائی

قدموں میں شان لغزش گویا کوئی شرابی

موج نشاط رنگیں نازک ادا میں پنہاں

نزہت حیا کی لرزاں کافر شباب نازاں

سرشار تھا زمانہ مدہوش تھی خدائی

کیسا لحاظ تقویٰ کیا ذکر پارسائی

مدھم سروں میں فطرت کچھ گنگنا رہی تھی

ناز و ادا کی دیوی بنسی بجا رہی تھی

حسرت بھری نظر سے میں اس کو تک رہا تھا

ساری فضا پہ قبضہ حسن و جمال کا تھا

ik ja rahi hai malan phulon ka har le kar

gulshan ka husn le kar dil ka qarar le kar

josh-e-numu ka alam rukhsar mehr-e-taban

mathe pe surkh teka manind-e-subh-e-khandan

kanon ke zard bande raqsan the is ada se

parbat ki jaise titli mauj hawa se khele

pairon mein dale chhagal hathon mein pahne joshan

bikhri thin aisi zulfen bal khae jaise nagin

ankhon mein husn masti ik kaif-e-khud numai

qadmon mein shan laghzish goya koi sharabi

mauj-e-nishat-e-rangin nazuk ada mein pinhan

nuzhat haya ki larzan kafir shabab-e-nazan

sarshar tha zamana madhosh thi khudai

kaisa lihaz taqwa kya zikr parsai

maddham saron mein fitrat kuchh gunguna rahi thi

naz-o-ada ki dewi bansi baja rahi thi

hasrat bhari nazar se main us ko tak raha tha

sari faza pe qabza husn-o-jamal ka tha