قسم کھاتا ہوں میں ہندوستاں کی شان و شوکت کی

قسم کھاتا ہوں میں ہندوستاں کی شان و شوکت کی

قسم کھاتا ہوں ہمت کی دلیری کی شجاعت کی

قسم کھاتا ہوں اے بھارت تری اگلی حکایت کی

قسم کھاتا ہوں اے غیرت تری پرجوش جرأت کی

کہ اپنی عظمت خفتہ کو نیزوں سے جگا دوں گا

مزہ بے جا جسارت کا حریفوں کو چکھا دوں گا

غضب کی بجلیاں بن کر مخالف کو جلا دوں گا

نئی دنیا نیا عالم نئی بستی بسا دوں گا

قسم کھاتا ہوں بھارت کے جوانوں کی جوانی کی

قسم کھاتا ہوں میں صبح وطن کی شادمانی کی

قسم کھاتا ہوں میں فتح و ظفر کی کامرانی کی

قسم کھاتا ہوں میں گنگ و جمن کی بھی روانی کی

سپاہی سورما بن کر ابھی میداں میں جاتا ہوں

کمر میں تیغ ہندی ہاتھ میں نیزہ اٹھاتا ہوں

کماں کو کھینچتا ہوں بان ارجن کا چلاتا ہوں

غرض یوں دشمنوں کے خون کی ندی بہاتا ہوں

qasam khata hun main hindostan ki shan-o-shaukat ki

qasam khata hun himmat ki dileri ki shujaat ki

qasam khata hun ai bharat tiri agli hikayat ki

qasam khata hun ai ghairat tiri purjosh jurat ki

ke apni azmat khufta ko nezon se jaga dunga

maza be ja jasarat ka harifon ko chakha dunga

ghazab ki bijliyan ban kar mukhalif ko jala dunga

nai duniya naya alam nai basti basa dunga

qasam khata hun bharat ke jawanon ki jawani ki

qasam khata hun main subh-e-watan ki shadmani ki

qasam khata hun main fath-o-zafar ki kamrani ki

qasam khata hun main gang-o-jaman ki bhi rawani ki

sipahi surma ban kar abhi maidan mein jata hun

kamar mein tegh-e-hindi hath mein neza uthata hun

kaman ko khinchta hun ban arjin ka chillata hun

gharaz yun dushmanon ke khun ki naddi bahata hun