شب وصل کیوں ہیں رلانے کی باتیں

شب وصل کیوں ہیں رلانے کی باتیں

کرو کچھ تو ہنسنے ہنسانے کی باتیں

دل ناتواں کو منانے کی باتیں

نہیں ہیں نہیں ہاتھ آنے کی باتیں

مناسب ہے کچھ انتظام مسرت

پلاؤ پلاؤ شراب محبت

تمہی کہہ دو کچھ حد ہے ظلم و جفا کی

وفا کی طرح ساری دنیا ہے شاکی

کبھی یہ ادا کی کبھی وہ ادا کی

رہی شکل ابتر دل مبتلا کی

نہیں ہیں نہیں ہیں محبت کی باتیں

حقیقت میں یہ ہیں عداوت کی باتیں

shab-e-wasl kyun hain rulane ki baten

karo kuchh to hansne hansane ki baten

dil-e-natawan ko manane ki baten

nahin hain nahin hath ane ki baten

munasib hai kuchh intizam-e-masarrat

pilao pilao sharab-e-mohabbat

tumhi kah do kuchh had hai zulm-o-jafa ki

wafa ki tarah sari duniya hai shaki

kabhi ye ada ki kabhi wo ada ki

rahi shakl-e-abtar dil-e-mubtala ki

nahin hain nahin hain mohabbat ki baten

haqiqat mein ye hain adawat ki baten