کہو یہ مغنی سے گائے چلا جا

کہو یہ مغنی سے گائے چلا جا

نوائے مسرت سنائے چلا جا

مسرت کے مژدے کو لائے چلا جا

زمانے کو بے خود بنائے چلا جا

زمانے پہ چھائی ہے عید مسرت

دلہن بن کے آئی ہے عید مسرت

مناسب ہے کچھ انتظام مسرت

کروں خلق کو شاد کام مسرت

لئے جاؤں میں دل سے نام مسرت

سلام مسرت کلام مسرت

مسرت بھی اپنی جگہ جھومتی ہے

قدم عید کا اب خوشی چومتی ہے

وطن کی محبت کے نغمے کو گا کر

حریفوں کو اپنے گلے سے لگا کر

محبت سے غیروں کو قابو میں لا کر

جو روٹھے ہوئے ہیں انہیں بھی منا کر

مناؤ خوشی عید کی روزہ دارو

دکھاؤ خوشی عید کی روزہ دارو

kaho ye mughanni se gae chala ja

nawa-e-masarrat sunae chala ja

masarrat ke muzhde ko lae chala ja

zamane ko be khud banae chala ja

zamane pe chhai hai eid-e-masarrat

dulhan ban ke ai hai eid-e-masarrat

munasib hai kuchh intizam-e-masarrat

karun khalq ko shad kam masarrat

liye jaun main dil se nam-e-masarrat

salam masarrat kalam-e-masarrat

masarrat bhi apni jagah jhumti hai

qadam eid ka ab khushi chumti hai

watan ki mohabbat ke naghme ko ga kar

harifon ko apne gale se laga kar

mohabbat se ghairon ko qabu mein la kar

jo ruthe hue hain unhen bhi mana kar

manao khushi eid ki roza daru

dikhao khushi eid ki roza daru